García Granda defende’l so programa cooperación

García Granda defende’l so programa cooperación

El candidatu a Rector d’UNIOVI, Santiago García Granda, defiendió esti xueves día 4 el so programa de cooperación universitaria al desenvolvimientu frente a les ONGD, nun alcuentru-alderique virtual entamáu pola Coordinadora Asturiana de ONGD (CODOPA) en redol a la ufierta formativa y a les llínees d’investigación d’UNIOVI venceyaes a los derechos humanos y al xéneru en desenvolvimientu, ente otres temes. Nel marcu de les elecciones al Rectoráu de la Universidá d’Uviéu (UNIOVI), la Coordinadora Asturiana de ONGD (CODOPA) entamó’l 4 de febreru un alcuentru virtual ente l’actual Rector Santiago García ya Ignacio Villaverde, sol títulu “La solidaridá na academia: UNIOVI dientro del sistema de cooperación internacional”. Dambos candidatos, amás de presentar les sos propuestes sobro cooperación universitaria al desenvolvimientu (CUD), respondieron a les entrugues de siete organizaciones socies de la CODOPA: Maspaz, Inxeniería ensin Fronteres, Ayuda n’Acción, Entreculturas, Milenta Muyeres, Médicus Mundi, Fundación Páxaru Azul y SEI.

L’alderique foi moderáu por Ana Andrés, presidenta de la CODOPA y duró dos hores, retresmitiéndose en directu al traviés del Facebook Live de la CODOPA. Siguíu por barganal de mediu centenar persones, ente les que s’atopaben alumnáu y profesoráu universitariu, y otres ONGD del sector, l’alderique puede trate en diferíu na web de la Coordinadora y na so canal de YouTube.

shares