Entamen los actos de campaña coles árees de conocimientu

Entamen los actos de campaña coles árees de conocimientu

Empecipiada la campaña electoral pa escoyer al Rector de la nuesa Universidá, Santiago Garcia Granda ta axuntándose diariamente colos distintos colectivos universitarios per árees de conocencia pa sentir les sos moliciones y suxerencies, y esplicar les exes del nuesu programa .

El pasáu vienres l’actu de campaña d’apertura enfocáu a les facultaes de Ciencies tuvo más de doscientos asistentes provenientes mayoritariamente del colectivu de profesoráu, por culpa de que a lo llargo de la selmana, el candidatu tien previstu realizar otres xuntes sectoriales con PAS y estudiantáu.

Esti llunes 1 de febreru a les 10:30 celebróse’l segundu actu de campaña destináu a l’área de Ciencies Sociales y Xurídiques qu’axuntó a más de cien miembros del PDI. Y mientres el restu de la selmana van siguir los actos a la mesma hora destinaos a distintes árees. Asina, el miércoles 3,  va corresponder a Ciencies de la Salú, el xueves 4 a Humanidaes y el vienres 5  a Inxeniería y Arquitectura.

Anque se traten temes de les árees mentaes, la xunta esta abierta a tola comunidá na sala permanente de la candidatura en Teams, al traviés d’esti enllaz: https://bit.ly/3iZ5TvA.

shares