¡Nuevos retos col mesmu enfotu! 

¡Nuevos retos col mesmu enfotu! 

Quería universitaria, queríu universitariu:

Güei da empiezu la campaña electoral pa escoyer al Rector de la nuesa Universidá nun procesu que va rematar cola votación del vienres 12 de febreru.

Como candidatu a Rector voi empecipiar la mio campaña na Facultá de Ciencies, anque por cuenta de la situación epidémica, esti actu va faese al traviés de Teams a les 10:30 del xueves 28 de xineru. L’actu va tar abiertu a toes y tolos universitarios, al igual que’l restu d’actos que vamos dir anunciando que van tener llugar na mesma sala, y a los que me gustaría cuntar cola to presencia pa esplicar y aldericar sobro les exes del nuesu proyectu.

Tres cuatro años llogremos una universidá oxetivamente meyor asitiada nel contestu nacional ya internacional, y consolidada ente les 500 meyores del mundu. Ente otres coses, tamién ameyoremos les nueses infraestructures teunolóxiques ya impulsemos de forma bien relevante la collaboración cola empresa, la tresferencia y l’emprendimientu.

Nos próximos cuatro años, col to sofitu puedes tar seguru de que vamos siguir cumpliendo les nueses promeses electorales, tal como puedes ver nel programa axuntu, y nes propuestes concretes pa cada colectivu, y rematando’l proyectu propuestu. Vamos tener pa ello la fuerza d’un equipu anováu y al par con esperiencia, preparáu pa encarar nuevos retos col mesmu enfotu y col mesmu espíritu de serviciu a la comunidá universitaria y a la sociedá asturiana.

¡Nuevos retos col mesmu enfotu! 

Un fuerte abrazu,

Santiago.

Deja un comentario

shares