Un compromisu de cinco millones d’inversión estraordinaria p’anovar l’equipamientu informáticu y garantizar una WIFI rápida y cola máxima cobertoria

by AdminSantiago on 26 Abril, 2016
0 comentarios

La Universidá d’Uviéu va anovar l’equipamientu informáticu y va garantizar conexón WIFI en toles instalaciones de la Universidá, incluyíos los campus y toles sos zones verdes con una inversión global estraordinaria de cinco millones en cuatro años.

Unu de los compromisos firmes del programa electoral de Santiago García Granda ye reorganizar el Serviciu d’Informática de Uniovi, unificando toles xestiones y potenciando l’usu de servicios y aplicaciones, pero coles mesmes anovando tamién de forma urxente l’equipamientu.

De resultes d’ello estableceriamos un programa tresañal de renovación d’equipamientos informáticos y actualización y caltenimientu de software pal personal docente ya investigador y el personal de administracion y servicios de la Universidá. Y al tiempu, daríamos na renovación del equipamientu informáticu d’aules y llaboratorios n’otru plan tresañal .

Pero especialmente, la inversion estraordinaria prevista, que se va sumar adicionalmente a la que yá se realiza añalmente nesti ámbitu, va destinase a resolver la problemática de conectividad WIFI y aumentar la cobertoria de manera signigicativa, actualizando amás los estándares pa tener más velocidá.

Toes estes concreciones presupuestaries enmárquense nel compromisu de potenciar la eliminación del papel, evitar desplazamientos y aforrar tiempu en xestión, con aplicaciones electróniques y fáciles d’usar.

Dejar comentario

Your email address will not be published.

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

Próximos Eventos

There are no upcoming events at this time.