Zarru de Campaña nel Campus de Xixón

by AdminSantiago on 19 Abril, 2016
0 comentarios

Nun salón d’actos apináu, el candidatu a Rector de la Universidá d’Uviéu, Santiago García Granda, peslló la campaña electoral na EPI de Xixón reafitando les sos propuestes ilusionantes pa construyir un futuru pa Uniovi con un equipu eficiente y cercanu que tenga como retos les ilusiones de la comunidá universitaria.

L’actu de zarru de campaña electoral tuvo llugar na Aula Magna de la EPI de Xixón onde’l candidatu a Rector repasó les exes principales del so programa centráu nos estudiantes pa los que dixo “tenemos siempres que trabayar dende tolos ámbitos de la institución”.

Santiago García Granda quixo recordar que l’esfuerzu qu’hai que faer con ellos tien de ser pa que los estudiantes escueyan la Universidá d’Uviéu porque los capacitemos pal futuru: “tenemos que comprometer un afayadizu nivel de servicios pa los estudiantes y garantiza-yos los sos derechos”.

De la que se reafitaba en resolver la problemática de la precariedá del profesoráu asociáu convirtiéndo a figures contractuales reales los casos en que nun se trata de profesionales de reconocida solvencia con trabayu fora de la Universidá, Santiago García Granda comprometióse tamién a ayudar y potenciar al PDI que ta acreditándose pa facilitar la so producción científica.

Tenemos de devolver, dixo, la xestión de los Másteres a Centros como esta EPI de Xixón, pero dotándolos d’autonomía pa xestionar los recursos eficientemente. Al pie de los principales planteamientos del so programa, Santiago garcía Golvidar dalgunos de los problemes más significativos del Campus xixonés y recordó qu’equí “hai qu’apurrir agospiamientu y ufierta deportiva qu’atraiga estudiantes”.

L’actu peslló con un llamamientu a la responsabilidá de la comunidá universitaria y al exerciciu del votu en conciencia.

Tags: , ,

Dejar comentario

Your email address will not be published.

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

Próximos Eventos

There are no upcoming events at this time.