El nuesu apueste per Mieres ye claru y directu

by AdminSantiago on 14 Abril, 2016
0 comentarios

L’edificiu d’investigación del campus de Mieres protagonizó l’actividá electoral del martes 12 d’abril con un actu de campaña nel que s’esplicó a la comunidá universitaria en Mieres les nueses propuestes pa la potenciación del Campus.

La Unidá Mista d’Investigación en Biodiversidá (UMIB) que s’impulsó dende’l vicerrectoráu d’investigación na dómina que la ocupó Santiago García Granda foi’l puntu d’arranque d’un apueste claru por potenciar esti Campus que dalgunos consideren “inexplicablemente” un erru.

La propuesta d’esta candidatura cristaliza en “un cambéu de talante, ufiertar una mayor tresparencia, tar más cercanu a los universitarios y potenciar tolos proyectos que surdan”, ufiertando nel contestu d’una xestión más descentralizada, más personal técnicu pa los llaboratorios.

La meyora del tresporte y l’establecimientu d’un programa de beques o esceición de tases pa incorporar nuevos alumnos fueron les exes de l’actuación sobre’l Campus espuestu por Santiago García Granda ante una nutrida audiencia, xuntu col apueste por unes instalaciones deportives que siga xestionando la Universidá, anque compartiéndoles cola sociedá mierense.

Finalmente, Santiago García Granda amosó’l so sofitu a la puesta en marcha d’una Escuela de Doctoráu especializada en Mediu Ambiente, p’afitar investigadores y grupos d’investigación, amás de doctorandos.

Dejar comentario

Your email address will not be published.

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

Próximos Eventos

There are no upcoming events at this time.