Aconceyamientu institucional col Gobiernu del Principáu

by AdminSantiago on 14 Abril, 2016
0 comentarios

Santiago García Granda axuntóse esti martes col Conseyeru d’Educación, Genaro Alonso y la Directora Xeneral d’Universidaes, Cristina Valdés, pa tresllada-yos les sos propuestes pal futuru de la Universidá y comprobar con ellos que naveguen na mesma dirección.

Tanto’l Conseyeru d’Educación como la Directora Xeneral d’Universidaes recibieron con prestu la propuesta de caltener un contactu estrechu ente les instituciones, que Santiago García Granda afita nuna xunta periódica cada dos meses pa que fluya la información y la collaboración ente les dos instituciones, la Universidá y el Principáu.

Midíes como l’Institutu d’Innovación ya Investigación Educativa que tamién se propón nel programa de Santiago García Granda espertaron igualmente l’interés de los representantes del Gobiernu, que tamién recibieron con interés propuestes como les destinaes a impulsar el Campus de Mieres como una oportunidá pa incentivar a alumnáu y profesoráu, ameyorando al tiempu’l tresporte, que coincidieron toos en considerar fundamental.

Potenciar la Casa de les Llingües, encuadradándola en proyectos ambiciosos como los d’ufiertar cursos de baldre pal personal de la Universidá y recuperar con recursos l’espíritu de la Estensión Universitaria ampliándola a instalaciones del Principáu y recuperándoles pa la población xeneral, fueron otres de les munches idees nes que coincidieron dambes partes como exes de la relación ente los dos instituciones.

Dejar comentario

Your email address will not be published.

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

Próximos Eventos

There are no upcoming events at this time.