Santiago García Granda presenta la Web n’Humanidaes

by AdminSantiago on 6 Abril, 2016
0 comentarios

Santiago García quixo qu’unu de los actos principales del arranque de la campaña fora nuna Biblioteca y n’Humanidaes y por eso esti miércoles 6 d’abril presentaba la so web de campaña na Biblioteca Emilio Alarcos del Campus d’El Milán . Les sos primeres palabres fueron precisamente pa poner en valor esti Campus y dalgunos de los sos referentes como la Casa de les Llingües que “tien de xugar un papel importante p’asitianos na esfera de les llingües que s’usen a nivel internacional, fundamentalmente l’inglés y l’español que pueden atraer estudiantes al nuesu Campus”.

Otra cuestión importante ye que “equí n’El Milán, tán los servicios audiovisuales, que tenemos d’usar tanto en docencia como investigación, porque son la pieza fundamental pa tresmitir la nuesa imaxe a la sociedá”.

Tres una curtia introducción, el candidatu pasó revista a les exes estratéxiques del so programa y esplicó les principales propuestes pa los distintos colectivos de la comunidá universitaria, del PDI a la PAS, pasando pol alumnáu.

Pal PDI “hai que considerar tola actividá académica dientro de la so dedicación, tol llabor en comités d’evaluación, en tutela de Trabayos Fin de Grau o Trabayos Fin de Master”. Y el PAS, como tamién el PDI y l’alumnáu, precisa muncha formación pa poder competir nesti sieglu XXI: “Yo creo que’l PAS ta bien interesáu na formación y la nuesa obligación ye ufiertá-yla acordies colos planes estratéxicos d’Uniovi”.

Y, finalmente, Santiago García Granda describió pormenorizadamente cada sección de la Web empezando pel programa, estremáu n’exes programátiques, y deteniéndose en dellos aspeutos significativos, como’l compromisu de renovación cada cuatro años del equipamientu informáticu pal PDI y los grupos d’investigación como exemplu, del apueste pola modernización tecnolóxica qu’Uniovi precisa.

Recordó tamién el so apueste pola Estensión Universitaria, que nació n’Asturies en 1898 y qu’hai que redefinir, pa lo que “proponemos un ampliu programa que se redistribuya per tolos centros p’atraer non yá a estudiantes sinón a públicu xeneral, con conteníos curiosos y afayadizos que lleguen a distintos colectivos y grupos xeneracionales”.

Dejar comentario

Your email address will not be published.

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

Próximos Eventos

There are no upcoming events at this time.